الثلاثاء، يونيو 14، 2011

حوار مع طفلة في التاسعة




هي: هديك اليوم كتبت المعلمة سؤال على اللوح و مبين انو المقامات للكسور متساوية، يعني هوي هيك السؤال، قامت بنت رفعت ايدها و قالت "انا لاحظت ملاحظة.. انو المقامات متساوية"..

أنا.. أضحك كثيراً

هي: في بنات هيك ضحكوا عليها، و في بنات ما ضحكوا، ف اللي ما ضحكوا شكلهم بفكروا زيها!

أنا: آه صح هههههه

هي: في بنت عنا عندها "بطؤ تعلم" خلت المعلمة وحدها تدرسها و ليل انهار تنحت فوق راسها بس ضلت تجيب 3 من 10

أنا (و نا بحكي حسيت حالي بتفلسف): ازا هي بدها تدرس رح تجيب علامة منيحة، بس شكلها ما بدها..!

هي: بس أنا ما بدي أدرس، و بجيب علامة كاملة؟

أنا(باستغراب و حسيت حالي قليلة خبرة): طيب كيف؟

هي: أنا ما بحب الدراسة، بس إزا جبت علامة ناقصة عن الكامل، بابا ببهدلني!!



أنا: معرفتش ايش احكي.....

هناك تعليقان (2):

الفوبي يقول...

ردي وقولي الها : طيب لما تجيبي هلامة كاملة خلي بابا يعطيكي عشرة شيكل

رحمة محمود يقول...

والله فكرة!
خلص لازم احكيلها المرة الجاي لما اشوفها
شكرا عالنصيحة أولاً، وعالقراءة ثانياً :)